اسلام آباد۔ 02 دسمبر (اے پی پی) نیشنل کمانڈ اینڈ آپریشن سینٹر (این سی او سی) ٹی وزیراعظم نا خصوصی کمکار جان جوڑی ڈاکٹر فیصل سلطان و بنجائی وزیر داخلہ بریگیڈیئر ریٹائرڈ اعجاز احمد شاہ میڈیا ءِ حوال ترسا پاریر کہ 5 دسمبر آن 12 دسمبر اسکان ہفتہ کورونا ایس او پی تیٹی دا ایس او پی تیا عملدرآمد ءِ پک کننگ نا فیصلہ ءِ کننگانے۔ داہفتہ ءِ اڈتننگ نا مسخت الس اٹ دا دین انا برخلاف تروک آ ایس او پی تیا عملدرآمد ءِ پک کننگ نا ءِ تانکہ دا ناجوڑی ءِ شکست تننگ مرے دارداٹ خصوصی کمکار جان جوڑی ڈاکٹر فیصل سلطان پارے کہ صوبائی حکومت آتون دا ہفتہ ءِ سرسہب کننگ کن سلابت نا عمل برجاءِ تانکہ الس اٹ کورونا نا ایس او پی ہرافتے ٹی ماسک انا کاریم اٹ اتنگ، راجی فاصلہ، مچی والا جاگہ غاتیان پاناد، و دوملفپننگ نا بابت عملدرآمد ءِ پک کننگے و ہنداوڑ دا دین ءِ شکست تننگ مرے۔ ضلعی انتظامیہ آن ہم خواست کننگانے کہ او تینا تعلقدار ٹیم تے متحرک کیر و ہر حال اٹ کورونا نا مروجہ ایس او پی تیا عملدرآمد ءِ پک کرسا داہفتہ ءِ سرسہب کیر۔
