لاہور۔ 02 دسمبر (اے پی پی) گورنر پنجاب چوہدری محمد سرور تون چارشنبے نادے آ صدر آزاد کشمیر مسعود احمد خان گورنر ہاؤس اٹی اوڑدہی کرے۔ ہراٹی کشمیر نا ویل، بھارتی فوج انا لین آف کنٹرول آ خارتس سم کاری و دنیا ٹی کشمیر نا ویل ءِ تالان کننگ تون اوار ایلو باندات آتا بارواٹ گپ وتران کننگا۔ داوخت آ گورنر پنجاب چوہدری محمد سرور نا پاننگ ئس کہ کشمیر نا ویل آ حکومت و اپوزیشن تون اوار غٹ اسہ پنہ غاٹو۔ 9 لکھ بھارتی فوج کشمیری تا امن و سکون ءِ برباد کرینو۔ کشمیر اٹی مودی کشمیری تا ڈغار تے پلسا ہندوتے آباد کننگ ءِ۔ کشمیر نا ویل انا ایسر آن بیدس ڈیہہ ٹی امن اسہ تغ اس مریک۔ چوہدری محمد سرور ایل او سی آ بھارتی سم کاری و کشمیر اٹی بیدادی نا ترندی اٹ مذمت ءِ کرسا پارے کہ بھارتی فوج کشمیر اٹی بدترین دہشت گردی کننگ ءِ بدبختی اٹ دا بدترین ظلم اٹی پدریسہ ودکی مننگ ءِ ہموڑے زالبول و چناتے زالبول آتا ممون آ کسفنگ انگ ءِ۔ ہچ ءُ شک اس اف کہ نریندر مودی بیدادی ٹی ہٹلر ءِ ہم پدی ہلانے۔
