اسلام آباد۔ 02 دسمبر (اے پی پی) بنجائی وزیر حوالکاری وشینکاری سینیٹر شبلی فراز پارینے کہ برطانوی اینکر نا سوج و ڈار انا ورندیک داہیت انا شاہدی ءُ کہ راست انا مون آ اوفتا نت دُوک تفنگرہ، لُٹ و پل انا دفاع کن وطن نا پن ءِ بدنام کننگ آن ہم اسہ کنڈ مفسہ۔ چارشنبے نادے آ تینا ٹویٹ اٹی وزیر سینیٹر شبلی فراز پارے کہ کرپٹ عہد نا کمکار و ملکی زرگزران ءِ بھس کروک آانٹرویو کن دراخ جوڑ ولے کانود نا مون آ ناجوڑ ءِ۔
