اسلام آباد۔ 02 دسمبر (اے پی پی) چین پاکستان اقتصادی راہداری ڈٹ(سی پیک) نا رداٹ گوادر آ جوائنٹ ورکنگ پڑک(جے ڈبلیو جی) نا دیوان اٹی چین و پاکستان نا عہدیدار آک گوادر ڈٹ آتا پیش رفت آ گپ وتران کننگا۔ وزارت ڈٹ بندی کمامدار آتا رداٹ دیوان اٹی نیوگوادر جہانی ایئر پورٹ، پنچ ملین گیلن دِیر ساف کروک آ ٹریٹمنٹ پلانٹ آ کاریم ترند کننگ تون اوار اوار گوادر پورٹ نا برتھ، بریک واٹر پروجیکٹس، ایسٹ بے ایکسپریس وے پروجیکٹ، 300 میگاواٹ نا کولاآن چلینگوک آ پاور پلانٹ، پاک چین سنگتی ہسپتال و اسکول کون آ ڈٹ آتیا کاریم نا رفتار نا جاچ ءِ ہلنگا۔ داکان بیدس چین راجی و اقتصادی بشخ اٹی پاکستان ءِ پورو کمک فراوان کننگ نا عزم انا درشانی ءِ کرینے۔
