ہری پور۔ 02 دسمبر (اے پی پی) بنجائی وزیر توانائی و پٹرولیم و قدرتی وسیلہ عمرایوب خان پارینے کہ یونین کونسل شاہ مقصود تون اوار ہری پور یونین کونسل آتا بجلی و گیس اتون تعلقدار ویل آتے اولیتی بنداو تیا ایسر ءِ ممکن کینہ۔ داخیال آتا درشانی ءِ او اسلام آباد آفس اٹی مسکوہی یوسی ناظم شاہ مقصود آصف خان جدون نا کماشی ٹی ملوک آ ڈل اتون اوڑدہی ٹی کرے داوخت آ اخترجدون، رضوان قریشی و ایلوفک ہم ساڑی ئسر۔ اوپارے کہ ہری پور اٹی تدوک آ سال تیٹی بجلی و گیس انا ویل آتا ایسری کن ارب آتا فنڈنگ کننگا۔ تحریک انصاف نا حکومت السی ویل آتا چٹفنگ کن متاماری کننگ ءِ شاری علاقہ غاتیان بیدس مُر مُر انگا خلق و مشی آ علاقہ غاتیٹی ہم بے پرخ گیس و بجلی نا ویل آتے ایسر کننگ کن عملی گام گیج کننگ انگ ءِ۔ اوپارے کہ عمران خان نا ولولہ انگیز کماشی ٹی ملکی زرگزران ءِ سوگو تر کننگک۔
