گلگت۔1دسمبر (اے پی پی):پاکستان تحریک انصاف ءَ گوں سیادی داروکیں نوک گچین بوتگیں اسمبلی ءِ باسک خورشید ایڈوکیٹ ءَ سر وزیر گلگت بلتستان ءِ اگدہ ءِ سوگند چست کت۔ مراگش ءَ سوگند چست کنگی دیوان گلگت بلتستان ءِ گورنر ہائوس گلگت ءَ برجم دارگ بوت آھودا گورنر راجا جلال حسین مقپون ءَ نوک گچین بوتگیں سر وزیر ءَ چہ سوگند گپت۔ مراگش ءَ دز کش بوھوکیں نگران سر وزیر میر افضل ، سپیکر اسمبلی سید اسد زیدی ھم بھر زوری کت۔ پاکستان تحریک انصاف ءِ رد ءَ گلگت بلتستان ءِ کابینہ مرچی (2 دسمبر ءَ ) سوگند چست کنت۔
