صدر مملکت ڈاکٹر عارف علوی چین نا وزیر دفاع وی فنگ ءِ نشان امتیاز ملٹری اس تس، ایوان صدر اٹی دود اٹی وزیر دفاع، چیئرمین جائنٹ چیفس آف اسٹاف کمیٹی، ہرمسٹ آ سلہہ بند فوج انا سروک آک، بڑزکو کمامدارآک ساڑی

اسلام آباد۔ 01 دسمبر (اے پی پی) صدر مملکت ڈاکٹر عارف علوی چین نا وزیر دفاع وی فنگ ہی ءِ نشان امتیاز ملٹری اس تس۔ شرفمند آ مہمان ءِ سے شنبے نادے آ ایوان صدر اٹی پروقار دود اٹی دا اعزاز ءِ تننگا۔ دود اٹی وزیر دفاع پرویز خٹک،وزیراعظم نا خصوصی کمکار قومی سلامتی معید یوسف، چیئرمین جائنٹ چیفس آف اسٹاف کمیٹی جنرل ندیم رضا، ہرمسٹ آ سلہہ بند فوج انا سروک آتون اوار بڑزکو کمامدارآک ساڑی ئسر۔ شرفمند آ مہمان ءِ ہڑتوم آ ملک آتا نیام اٹ تعلقداری خاص کر دفاعی بشخ اٹی کمکاری ءِ مون آ دننگ اٹ اہم کڑد آ دا اعزاز ءِ تننگانے۔ چین نا وزیر دفاع داکان مست اہم دفاعی عہدہ غاتیا رہینگانے۔ او پاکستان نا مخلص و قریبی سنگت ءِ۔ اوپاکستان و چین نا سلہہ بند فوج انا نیام اٹ دفاعی تعلقداری تے سوگو کننگ اٹ اہم کڑد اداکرینے۔