اسلام آباد۔ 01 دسمبر (اے پی پی) نیشنل کمانڈ اینڈ آُپریشن سینٹر(این سی او سی) ءِ جہانی ادارہ جان جوڑی(ڈبلیو ایچ او) و ایلو رائج راہشون اصول آتا رداٹ کورونا دین ءِ آسان وڑاٹ پیدوار کننگ کن ریپڈاینٹیجن ٹیسٹنگ نا بناءِ کننگ کن اسہ قومی پالیسی اس ٹہیفنگانے۔ ایگزیکٹو ڈائریکٹر این آئی ایچ فورم ءِ حوال ترسا پارینے کہ جہانی آب آتا رداٹ اینٹیجین ٹیسٹنگ نا اڈتننگ کن اسہ وڑ حکمت عملی اس ٹہیفنگ کن غٹ صوبہ غاتے پت اٹی ہلنگانے۔ فورم ءِ پاننگاکہ بناٹی مخصوص کیٹیگری کن اینٹیجین ٹیسٹنگ سرکاری بشخ انا غٹ مجاز لیبارٹریک کننگ کیرہ۔ ہرانا غٹ صوبائی حکومت آک موکل تسنو۔ صوبائی کمامدارآتا پارت آ نجی بشخ انا لیبارٹریک ٹیسٹنگ کیرہ، ولے ہمو لیبارٹری تے ٹیسٹ کننگ نا موکل مریک ہرا مہالو آن پی سی آر ٹیسٹ کننگ ءُ و صوبائی، قومی مرکز ڈٛیٹاءِ پک کننگ ءُ۔ فورم ءِ پاننگاکہ صوبائی یا علاقائی کمامدارآتا کنڈآن ہرا لیبارٹری تے سرکاری کہول آ اینٹیجین ٹیسٹنگ نا موکل مریک۔
