اقوام متحدہ۔ 01 دسمبر (اے پی پی) اقوام متحدہ نا اسہ سالانہ رپورٹ اسے نا رداٹ کورونانا جہانی دین انا سوب آن مچ آ دنیا ٹی بروک آ سال کم و ود 2 سد ءُ 35 ملین چنا، زالبول و نرینہ غاتے ہلہلہ ئی بنداو تیا امداد نا گرج مریک۔ داہیت ءِ جہانی ادارہ نا انسانی بنداوتیا امداد نا بابت سالانہ رپورٹ اٹی پاننگانے۔ اقوام متحدہ نا ہلہلہ ئی انسانی بنداو تیا امداد نا کوآرڈینیٹر مارک لوکوک جنیوا ٹی دا رپورٹ ءِ پیش کرسا پارے کہ کورونا نا جہانی دین انا سوب آن کم و ود 23ءُ نیم کروڑ انسان شدید نوعیت نا ویل آتا گواچی مسنو۔ دا کچ اسہ سال مست انا مقابلہ ٹی 4 درسد زیات ءِ۔ اوپارے کہ داحالیت آتیٹی جہانی کہول آ ایڈز، تپ دق و ملیریا نا سوب انسانی زوال آتا کچ اِرا ہنداخہ مننگ نا گڑتی ہم ارے۔
