اسلام آباد۔ 01 دسمبر (اے پی پی) گولن گول ہائیڈرو پاور پروجیکٹ کن اینخو مالی سال انا سرکاری بشخ انا سالانہ شونداری پروگرام اٹی 98 کروڑ روپئی آن زیات جتا کننگانے۔ وزارت آبی وسیلہ نا حوالی نا رداٹ چترال اٹی 106 میگاواٹ نا گولن گول ہائیڈرو پاور پروجیکٹ آ کاریم برجاءِ و 216ء ٹی ایکنک دانا منظوری ءِ تسوسس ہراڑآ خڑچ انا جم کساس 29 ارب روپئی آن زیات ءِ و داٹی 10 ارب روپئی آن زیات نا درملکی زرمبادلہ ہم اوار ءِ۔ اینخو مالی سال اٹی دا ڈٹ آ 98 کروڑ روپئی خڑچ کننگک۔ گولن گول پن بجلی ڈٹ ملک اٹی توانائی نا بے سلنگ آن فراوانی کن بے کچ اہمیت تخک و داڑآن صنعتی و کاروباری سرجزآتے مون آ دننگ تون اوار اوار برآمد آتے ودفنگ کن حکومتی حکمت عملی ءِ پک کننگک۔
