اسلام آباد۔30نومبر (اے پی پی): مزن وزیر عمران خان ءَ گوں مشیر ءِ تجارت عبدالرزاق دائود ءَ دو شمبے ءَ ادا گند ءُ نند کت۔ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ برآمدی چیز آنی دیمروئی ءِ واستہ ایکسپورٹ ڈیویلپمنٹ بورڈ جوڑ کنگ ءِ منظوری داست۔ اے بورڈ ءِ سروکی ءَ مزن وزیر وت کنت ءُ ایشی ءِ تہ ءَ برآمدی چیز آں گوں سیادی داروکیں توامیں شریکدار آنی سروکی ھوار انت۔ اے بورڈ ءِ دیوان ھمک ماہ ءَ برجم دارگ بیت ایشی تہ ءَ برآمدی چیز آناں دلگوش کنگ بیت تانکہ اے جیڈھ آناں زوت گیوار کنگ بہ بیت۔
