اسلام آباد۔ 30 نومبر (اے پی پی) وزیراعظم عمران خان تون ڈاکٹر شاہد کاردار اوڑدہی کرے۔ دوشنبے نادے آ وزیراعظم آفس نا میڈیا ونگ آن جاری بیان نا رداٹ بنجائی وزیر محمد حماد اظہر، سلاہکار خزانہ ڈاکٹر عبدالحفیظ شیخ و خصوصی کمکار ڈاکٹر وقار مسعود ئسک ہم اوڑدہی ٹی ساڑی ئسر۔ منی لانڈرنگ نا توننگ، پلوک آ زر انا پدی اتنگ کن گام گیج و جم زرگزرانی حالیت آتیا گپ وتران مس۔ وزیراعظم پارے کہ نیزگار ملک آتیان پیسہ غاتا غیرکانودی گدریفنگ ہمو ملک آتیٹی پسماندگی و نیزگاری نا بنداوی سوب ءِ۔ وزیراعظم پیدوار کرے کہ پلوک آ زر انا ملک اٹی پدی اتنگ کن گمانی گام گیج آتے پک کننگ حکومت نا اولیت آتیٹی اوار ءِ۔
