اسلام آباد۔ 30 نومبر (اے پی پی) وزیراعظم عمران خان تون جون مینزیز نا ایگزیکٹیو چیئرمین فلپ جوئننگ دوشنبے نادے آ داڑے اوڑدہی کرے۔ وزیراعظم آفس نا میڈیا ونگ آن جاری بیان نا رداٹ اوڑدہی ٹی ایوی ایشن و ایئرپورٹ سروسز و سیل و سوات نا نیام اٹ المی رابطہ و تعلقءِ مون آ دننگ کن چندی سلاہ تیا گپ وتران کننگا۔ وزیراعظم پاکستان اٹی سیل وسوات نا شعبہ خذمت نا بابت جہانی فرم آتا است خواہی نا ستاءِ کرے۔ وزیراعظم عمران خان پارے کہ پاکستان سیل وسواتی ہند آتیان شُپ ءُ ملک اسے و اوفتے شون ترسا و چاگڑد دوست کرسا دنیاءِ چکنگ مریک۔ اوڑدہی ٹی پاکستان اٹی سکیٹنگ و کوہ پیمائی نا آسراتی تا فراوانی نا بات ہم سلاہ تیا گپ و تران کننگا۔ داوخت آ وزیراعظم نا خصوصی کمکار سید ذوالفقار عباس بخاری ہم ساڑی ئسک۔
