اسلام آباد۔ 30 نومبر (اے پی پی) بنجائی وزیر انسانی حق ڈاکٹر شیریں مزاری پارینے کہ کوویڈ۔ 19 آن پد ہم پاکستان تحریک انصاف نا حکومت نا سہی پالیسی تا سوب آن ننا زرگزران نا اہم بشخ ٹیکسٹائل اٹ مثبت بھرم ظاہر مننگ ءِ۔ دوشنبے نادے آ تینا اسہ ٹویٹ اسے ٹی او21 ستمبر 2016ء نا بلومبرگ نا اسہ رپورٹ اسے نا حوالہ ءِ تس ہرانا رداٹ اِراسال اٹی ٹیکسٹائل صںعت آتا بند مننگ نا سوب آن 5 لکھ آن زیات بندغ تینا ملازمت آتیان محروم مسر۔ رپورٹ اٹی مرکزی بینک انا بیان نا ہم حوالہ ءِ تننگانے کہ بجلی نا گچینی و گیس انا فراوانی برآمدی کمتی ءِ توننگ کیک۔ شیریں مزاری تینا ٹویٹ اٹی 2020ء نا ٹربیون اخبار نا رپورٹ نا ہم حوالہ ءِ تس ہراٹی پاننگانے کہ پاکستان نا ٹیکسٹائل نا بشخ پورو لائخی اتون کاریم کننگ ءِ۔ بنجائی وزیر پارے کہ ہندا پرخ ءِ کہ کوویڈ۔ 19آن پد ہم پاکستان تحریک انصاف نا حکومت سہی پالیسی اختیار کرے ہرانا سوب آن ننا زرگزران نا دا اہم بشخ مثبت بھرم نشان تننگ نا بناءِ کرے۔
