اسلام آباد۔ 30 نومبر (اے پی پی) بنجائی وزیر ڈٹ بندی شونداری و اصلاحات و خصوصی گام گیج اسد عمر نا کماشی ٹی نیشنل کمانڈ اینڈ آپریشن سینٹر اٹی دوشنبے نادے آ دیوان اس مس، خصوصی کمکار جان جوڑی ڈاکٹر فیصل سلطان، بنجائی وزیر توانائی و پٹرولیم عمر ایوب خان، بنجائی وزیر صنعت و پیداوار حماد اظہر و ایلوفک ساڑی ئسر، ملک اٹی کورونا دین انا ارٹ میکو ریسہ نا بابت حوال تننگا۔ کورونا ایس او پی تیا عملدرآمد ءِ پک کننگ کن حکمت عملی نا جاچ ءِ ہلنگا، زہمی علاقہ غاتیٹی اسمارٹ و مائیکرو لاک ڈاؤن نا بابت سرجم آتے پیش کننگا۔ نیشنل کمانڈ اینڈ آپریشن سینٹر اٹی دیوان اٹی فورم ءِ پاننگاکہ ملک اٹی کورونا دین انا مثبتیت نا کچ 8.53درسد ءِ۔ جان جوڑی نا چاہندار آک فورم ءِ حوال ترسا پاریر کہ دینی مرض انا مون ءِ توننگ کن عملی گام گیج کننگ انگءِ۔ فورم ءِ معلومدار کننگاکہ ملک اٹی سمارٹ لاک ڈاؤن برجاءِ آزاد کشمیر اٹی 6 دسمبر اسکان لاک ڈاؤن ءِ، وخت اس کہ مچ آ پاکستان اٹی 5082جاگہ غاتیا سمارٹ لاک ڈاؤن کننگانے۔ پنجاب اٹی 1459، سندھ اٹی 206، خیبرپختونخواٹی 182، آئی سی ٹی 3205، گلگت بلتستان اٹی 30 سمارٹ لاک ڈاؤن برجاءِ۔ فورم ءِ پاننگاکہ ملک اٹی کورونا دین انا مثبتیت نا کچ 8.53 درسد ءِ، میرپور اٹی غٹ آن زیات مثبتیت نا کچ ءِ ہُننگا ہرا 27.75 درسد داکان پد مظفرآباد23.44 وحیدر آباد اٹی 18.21 درسد ءِ۔ مچ آ پاکستان اٹی 5082 سمارٹ لاک ڈاؤن دا لاک ڈاؤن نا رداٹ 2058746بندغ آتیا تالان ءِ۔ مچ آ ملک اٹی 2046کوویڈ ناجوڑ آتا حالیت تشویشناک ءِ و بھاز ناجوڑ آتا کچ ترندی اٹ ودنگ ءِ۔ فورم ءِ پاننگاکہ چندی صوبہ غاتیٹی مثبتیت نا کچ داوڑاٹ ءِ، اے جے کے 21.3درسد، بلوچستان 11.95درسد، جی بی 3.43درسد، اسلام آباد 6.30درسد، خیبرپختونخوا 5.57درسد، پنجاب 4.84درسد و سندھ 14.04درسد ءُ۔ فورم ءِ پاننگاکہ ملک انا بھلا ضلع غاتیٹی کوویڈ پوزیٹیو نا کچ گڑاس داوڑاٹ ءِ، لاہور 6.19درسد، راولپنڈی۔ 4.83درسد، فیصل آباد۔ 3.14درسد ءِ، صوبہ سندھ اٹی کراچی 17.95درسد، حیدر آباد۔ 17.21درسد ءِ۔ خیبرپختونخوا ٹی پشاور۔ 18.09درسد، سوات 5.81درسد، ایبٹ آباد۔ 6.22 درسد ءُ۔ بلوچستان اٹی کوئٹہ۔ 9.09درسد، اسلام آباد آئی سی ٹی ۔6.62درسد، آزاد جموں و کشمیر میرپور ۔ 27.75درسد، مظفرآباد ۔ 23.44درسد، گلگت بلتستان اٹی گلگت۔ 5.65درسد ءُ۔ فورمءِ پاننگاکہ مچ آ پاکستان اٹی 278 ناجوڑ وینٹی لیٹر آتیاٹی ءُ، پنجاب اٹی فیصل آباد۔4، لاہور۔ 61، ملتان۔ 31، راولپنڈی۔26، سندھ اٹی حیدرآباد۔0، کراچی۔61، خیبرپختونخوا ٹی ایبٹ آباد۔02، پشاور۔35، بلوچستان اٹی کوئٹہ۔0، اسلام آباد ۔46، آزاد جموں کشمیر اٹی میرپور۔0، مظفرآباد۔2، جی بی۔0ءِ۔ مچ آ ملک اٹی 2،046ناجوڑ بھاز نازرک حالیت اٹی ءُ ہرافتے ٹی پنجاب۔ 467، سندھ۔675، کے پی۔356، بلوچستان۔16، اسلام آباد۔323، آزاد جموں کشمیر23، جی بی ٹی پنچ ءُ۔
