ہری پور۔ 30 نومبر (اے پی پی) بنجائی وزیر توانائی، پٹرولیم و قدرتی وسیلہ عمرایوب خان پارینے کہ گچین کاری تیٹی ہراوعدہ غاتے کریسن اللہ نا شکر ءِ ننے اوفتا پوروی نا موقع رسینگا اِرا سال مست اپرخانپور نا علاقہ غاتا غٹ آن بھلا ویل وولٹیج ئس ہرادے ہلہلہ ئی بنداو تیا ایسر کرین وخت اس کہ دارتیاں و گردونواع نا خلق اٹی بجلی نا گچینی کن 1 کروڑ روپئی نا بھلو خڑچ اسے آن ٹاسفارم و پول مہیا کرین ہندا علاقہ غاتیان بیدس کوٹیڑہ، سوہا و گرم تھون تون اوار ایلو خلق آتیٹی گیس انا فراوانی نا مد اٹی 55 کروڑ روپئی نا بھلو فنڈنگ اس کرینن ہراڑآن ہندا پسماندہ علاقہ غاتا الس نا زند اٹ ترندی اٹ گچینی بریک اوپارے کہ ٹی آئی پی ءِ این آر ٹی سی نا حوالہ کننگانےہرانا بناکننگ آن روزگار نا وارخواہی ودی مریک ہنداوڑ جی ٹی روڈ و خانپور روڈ اتون اوار ریلوائی اسٹیشن ہری پور نا خڑک واقع برساتی نالہ غا پول انا تفنگ نا منظوری ہم مسنے ہراڑکن 1 ارب 15 کروڑ نا فنڈنگ کننگانے۔ داخیال آتا درشانی ءِ او تحصیل خانپور نا مر مر انگا مشی آ علاقہ کھوئی کما، سرادنہ و دارتیاں ٹی 13 کروڑ 97 لکھ روپئی نا بھلو فنڈنگ اسے آن سوئی گیس انا فراوانی نا ڈٹ آن پد جلسہ آن تران کرسا کرے۔ داوخت آ مسکوہی صوبائی وزیر یوسف ایوب خان و ایم پی اے و چیئرمین ڈیڈک کمیٹی ارشد ایوب خان ئسک ہم اوڑتون اوار ئسر۔ دود آن تران کرسا چیئرمین ارشاد تون اوار ایلو ہندی سرکڑدہ غاک بھلو خڑچ اسے آن عملی گیس فراوانی ڈٹ و ایب وکیب غٹ علاقہ غاتیٹی بجلی اسکیم تاپوروی آ بنجائی وزیر عمرایوب خان ءِ شاندار لوز آتیٹی خراج تحسین پیش کریر، مسکوہی صوبائی وزیر یوسف ایوب خان داوخت آ تران کرسا پارے کہ پاکستان ءِ جوڑ مروک 73 سال گدرینگانے ولے اخہ در شونداری کاریم ساڑی آ اِراسال اٹی خانپور نا مش و سخت کسر انگا علاقہ غاتیٹی مس اوفتا تاریخ اٹ درور ملیپک، اوپارے کہ گچین کاری تیٹی نن ترناوا آن تہہ ٹی ہرانگ کہ ہنان روڈ، کسر و گلیک کپی نا منظر ءِ پیش کریرہ باور بتوکہ کہ داڑے ہم زند انا آثار ارے بجلی ئس و نئے کُننگ کن دیر ولے داسہ اِراسال نا موازنہ نم تدوک آ 73 سال آن کبو اینو اپر خانپور نا ہراخلق آ ہنبو بجلی نا 220 وولٹ ءُ، کروڑ آ روپئی نا فنڈنگ آن روڈ گلی تا تفنگ تون اوار غٹ آن بھلا ہیت کہ ہچ کس سجفتویسس کہ دا علاقہ غاتیٹی ہم گیس بریک، اوبجلی و گیس انا میگا ڈٹ آتیا بنجائی وزیر عمرایوب خان و صوبائی شونداری ڈٹ آتیا ایم پی اے ارشد ایوب خان نا شاندار خذمت آتا ستاءِ کرے۔ ایم پی اے چیئرمین ڈیڈک کمیٹی ارشد ایوب خان پارے کہ گیس فراوانی ڈٹ انا عملی بناپک کرینے کہ اگہ نما گچین مروک آ نمائندہ غاتیٹی لائخی مرے تو اسہ کاریم اس ہم ناممکن اف ۔
