کوئٹہ۔ 30 نومبر (اے پی پی) بلوچستان پولیو ایمرجنسی آپریشن نا سی ای او راشد رزاق پارینے کہ بلوچستان اٹی پولیو دوشنبے نادے 30 نومبر آن بناکننگانے، پولیو مہم اٹی 25 لکھ انا خڑک چناتے پڑی کنفنگ نا ہدف ءِ مقرر کننگانے، پولیو مہم اٹی 10 ہزار آن زیات ٹیم بشخ ہلیرہ، پولیو مہم اٹی 8 ہزار 988 موبائل ٹیم، 941 فکسڈ سائٹ و594ٹرانزٹ پوائنٹ اوار ءُ، داوخت آ مچ آ دنیا ٹی پاکستان و اوغانستان اِرا ہندن ءُ ملک ءُ ہراڑے پولیو وائرس ساڑی ءِ۔ سال 2020ء ٹی مچ آ ملک اٹی داتم اسکان 82 پولیو کیس رپورٹ مس۔بلوچستان آن 24 کیس رپورٹ مسنے۔ پولیو ءِ باتننگ نا جنگ اٹ لمہ و باوہ، سیاسی حلقہ، عالم دین و انتظامیہ نا کڑد بھاز اہم ءِ۔ پولیو لاعلاج ءُ مرض اسے و پولیو ویکسین کنفسا ہی چناتے داڑآن رکھ کننگ مریک۔ ننا میڈیا، الس و ہر شاری آن خواست ءِ کہ او دا مہم ءِ سرسہب کننگ کن تینا کڑد ءِ ادا کیر۔
