اسلام آباد۔29نومبر (اے پی پی): مزن وزیر عمران خان ءَ گوشت کہ اپوزیشن الس ءِ زندمان ءُ سلامتی ءَ را بیم آنی وڈالیگ کنگ ءَ انت، مچی ءَ چہ این آر او نہ دیاں، گڈی بازی لیب کنگ بوھگ ءَ انت بلے لٹ ءُ پُل کنوک آناں اچ بر این آر او نہ دیاں۔ یک شمبے ءَ وتی ٹویٹ ء۔ مزن وزیر ءَ گوشت کہ کوویڈ ءِ سبب ءَ مئے مقابطلہ اے ر نگیں سیاسی سروک آں گوں بوتگ ایشاں اچبر جمہوری جہد ءُ کوشست نہ کتگ، آواں الس آنی گہتری ءِ واستہ ھم اچ کار کرد پیلو نہ کتگ، نوں ایشانی سرجمیں دلگوش لٹ ءُ پل کتگیں زر آنی چیر دیگ انت۔ مزن وزیر ءَ گوشت کہ اے مردم آناں لس شہری آنی زندمان آنی اچ پگر نیست، اے این آر او ءِ در جنگ ءِ وساتہ ھمک رنگ یں ناروائیں کار کت کناں۔ آئی ءَ گوشت کہ وھد ءِ ما سمارٹ لاک ڈائون ءِ پیسلہ کت گڈا اے لیڈر سرجمیں لاک کنگ ءِ واستہ گوشگ ءَ بوتگ انت بلے گریب آناں کمک دیوک ءُ معیشت ءَ را رکھینگ ءِ واستہ سمارٹ لاک ڈائون ءِ گامگیج وتی کتگ۔ مزن وزیر عمران خان ءَ گوشت کہ کورونا ءِ نوکیں فیز ءِ آیگ ءِ پد ءَ وھد ءِ دوارگ سمارٹ لاک ڈائون ءِ ضلورت انت گڈا ایش مچی ءُ میڈی کنگ ءَ انت ۔ اپوزیشن مچی آنی وسیلگ ءَ الس آنی زندمان بیم ءِ وڈالیگ بوھگ ءَ انت۔ اے مردم مچی آناں این آر او ءِ دزگرگ ءِ واستہ گڈی بازی ءَ را چکاسگ بوھگ ءَ انت۔ آئی ءَ گوشت کہ وتی دُزئی ءُ ڈنگی ءَ را چیر دیگ ءِ واستہ مردم آنی زندمان آنی گوما لیب کنگ بوھگ ءَ انت۔
