اسلام آباد۔29نومبر (اے پی پی): مزن وزیر عمران خان ءَ وزیر ءِ درئی کار شاہ محمود قریشی ، وزیر ءِ منصوبگ بندی اسد عمر، چیئرمین جوائنٹ چیفس آف سٹاف کمیٹی جنرل ندیم رضا، چیف آف آرمی سٹاف جنرل قمر جاوید باجوہ، چیف آف ائیر سٹاف ائیر چیف مارشل مجاہد انور خان، چیف آف نیول سٹاف ایڈمرل محمد امجد خان نیازی، چیف آف جنرل سٹاف لیفٹیننٹ جنرل ساحر شمشاد مرزا ءِ ھمبراھی ءَ آئی ایس آئی ھیڈ کوارٹر ءِ تر ءُ تاب کت۔ ڈائریکٹر جنرل آئی ایس آئی لیفٹیننٹ جنرل فیض حمید ءَ ڈائریکٹوریٹ جنرل آئی ایس آئی ءَ اتکگیں مردم آناں وش اتک کت۔ اے موہ ء، سر ءَ دیوان ءِ مزن تکی راجی ءُ اُردی سروک آناں دمگی ءُ ملکی جاور ھال آنی بابت ءَ سرجمیں رنگ ءَ سرپد کنگ بوت۔ مزن وزیر ءَ راجی سلامتی ءِ استیں جیڈھ آنی ھلاپ ءَ آئی ایس آئی ءِ کزبی ءُ ازمکاری آناں ساڑات۔
