کراچی۔ 28 نومبر (اے پی پی) صدر مملکت ڈاکٹر عارف علوی پارینے کہ کورونا نا دین انا سوب آن ودی مروک آ حالیت آتیٹی یونیورسٹی تیکن ورچوئل تعلیم نا کمک اٹ آب اٹ تعلیم ءِ ودفنگ نا جوان ءُ موقع اسے، یونیورسٹی تا ویزن ءِ آخبت نا خواست آتون ہم گرنچ کننگ نا گرج ءِ، او ہفتہ نادے آ داڑے سول سوسائٹی نا اسہ ڈل اسے تون گپ وتران کریکہ۔ ڈل انا کماشی ءِ حاجی حنیف طیب کریکہ۔ صدر مملکت ءِ وفاقی اردو یونیورسٹی آرٹس سائنس اینڈ ٹیکنالوجی ءِمون تروک ویل آتا بارواٹ حوال تننگا۔ آن لائن تعلیم نا گرج انا بابت صدر مملکت پارے کہ کورونا نا دین پاکستان اٹ آن لائن تعلیم نا اہمیت ءِ آشکار کرینے۔ دارداٹ ورچوئل یونیورسٹی ارزاں و آب اٹ تعلیم نا فراوانی ٹی اہم کڑد ادا کننگ ءُ۔ وفاقی اردو یونیورسٹی آف آرٹس سائنس اینڈ ٹیکنالوجی ہم آن لائن تعلیم ءِ مون آدے۔ اوپارے کہ پاکستان اٹی برین ڈرین بڑزکو تعلیم نا بشخ انا بے چکاری نا نتیجہ ءِ۔ یونیورسٹی تا ویژن ءِ آخبت نا گرج آتون ہم گرنچ کرسا دا حالیت آتے گچین کننگ مریک۔
