نیامے۔ 28 نومبر (اے پی پی) وزیر خارجہ مخدوم شاہ محمود قریشی ہفتہ نادے آ نائیجر نا وزیراعظم برجی رافینی تون اوڑدہی کرے۔ وزیراعظم ہاؤس آ بننگ آ نائیجر نا وزیراعظم وزیر خارجہ ءِ بخیر کرے۔ اوڑدہی ٹی ہڑتوم آ کنڈآتا تعلقداری، مقبوضہ جموں و کشمیر نا حالیت اقتصادی و واپاری کمکاری نا مون آ دننگ تون اوار تین پہ تینی است خواہی نا باندات آ گپ وتران کننگا۔ وزیر خارجہ پارے کہ پاکستان و نائیجر نا نیام اٹ ہڑتوم آ کنڈآتا برادرانہ تعلقداری، مذہبی و تہذیبی ہم آہنگی نا بنداو آ استوار ءِ۔ وزیر خارجہ نائیجر اٹی او آئی سی وزرائے خارجہ کونسل نا چِل ءُ ہفت می دیوان نا میزبانی و گچین بست و بند کننگ آ وزیراعظم نائیجر ءِ مبارکباد پیش کرے۔ وزیر خارجہ اقوام متحدہ سیکورٹی کونسل و او آئی سی کنٹیکٹ پڑک اٹ (بطور فعال باسک) کشمیر نا بابت آخبتی مخ تفی آ وزیراعظم نائیجر نا منت واری ءِ ہرفے۔
