مظفرآباد۔ نیامے۔ نائیجر۔ 28 نومبر (اے پی پی) آزاد جموں و کشمیر نا صدر سردار مسعود خان اسلامی کمکار تنظیم آن خواست کرے کہ او نیام تمسا کشمیری تے نسل کشی، ظالمانہ بھارتی نو آبادیاتی نظام، ریاستی دہشت گردی و بدترین اسلامو فوبیاغان بچفے۔ کشمیریک اینو کوکار اٹ پاننگ ءُ دنیا نا اسہ ارب ہشتاد کروڑ مسلمان و پنجا ءُ ہفت اسلامی ملک آتیان اسٹ اس ہم ہندن ءُ …
اسلامی کمکار تنظیم نا وزرائے خارجہ کونسل نا ارٹمیکو ورکنگ سیشن آن صدر آزاد کشمیر سردار مسعود خان نا تران
گیشتریں ھال
مظفرآباد۔ نیامے۔ نائیجر۔ 28 نومبر (اے پی پی) آزاد جموں و کشمیر نا صدر سردار مسعود خان اسلامی کمکار تنظیم آن خواست کرے کہ او نیام تمسا کشمیری تے نسل کشی، ظالمانہ بھارتی نو آبادیاتی نظام، ریاستی دہشت گردی و بدترین اسلامو فوبیاغان بچفے۔ کشمیریک اینو کوکار اٹ پاننگ ءُ دنیا نا اسہ ارب ہشتاد کروڑ مسلمان و پنجا ءُ ہفت اسلامی ملک آتیان اسٹ اس ہم ہندن ءُ اف ہرامون آ برسا اوفتے ظلم انا دا تہار آ نن آن پیشن کشے و اوفتے اسہ ہندن ءُ ظالم و جارح ملک انا پنجہ استبداد آن نجات ترفے ہرااوفتے تباہ و برباد کننگ اٹ لگوک ءِ۔ داہیت ءِ او ہفتہ نا دے آ اسلامی کمکار تنظیم نا وزرائے خارجہ کونسل نا 47 می دیوان نا وخت آ کونسل نا ارٹ میکو ورکنگ سیشن آن کشمیری تا حقی نمائندہ نا حیثیت اٹ تران کرسا پارے۔ داوخت آ اسلامی کمکار تنظیم نا باسک ملک آتا وزیر خارجہ و مبصرین آک ہم ساڑی ئسر۔
