کوہاٹ۔ 28 نومبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ وزیراعظم عمران خان نا کماشی ٹی ملکی زرگزران ءِ سوگو کننگ، ادارہ غاتے واکدار کرسا تینا نت تیا سلفنگ کن دے و نن کاریم کننگ انگ ءِ۔ مستین نا حکومت آک کرپشن و لُٹ وپل آن بیدس ہچ اس کتوس، ہراتم ننے حکومت رسینگا خزانہ خورک ئس ہرانا سوب آن آئی ایم ایف نا کنڈآ ہنوئی تما۔ وزیراعظم عمران خان جہانی کہول آ پاکستان ءِ شرف ترفے، امریکہ و یورپی سرکڑدہ غاتا مون آ وخت اس ہم معذرات خواہوک انداز ءِ تینا کتو۔ او ہفتہ نادے آ کوہاٹ پریس کلب اٹ پریس کانفرنس آن تران کریکہ۔ اوپارے کہ کوہاٹ پریس کلب صحافتی دنیا ٹی اہم کڑد ادا کننگ ءِ کوہاٹ نا ہندن ءُ گلزادہ ءُ ہرافک کوہاٹ و پاکستان نا پن ءِ روشنا کرینو۔ اوپارے کہ مستین اٹ کوہاٹ ءِ شونداری آن محروم تخنگا پاکستان تحریک انصاف نا پنچ سالہ دور اقتدار اٹ اخہ در شونداری کوہاٹ اٹ مریک مسین اٹ مروک آ غٹ شونداری تیان زیات مریک۔ اوپارے کہ کوہاٹ روڈ ءِ اپ گریڈ کننگ کن ایم این اے شہریار آفریدی تون اواری اٹ کاریم کننگ اُن جون 2020اسکان ہکلہ۔ کوہاٹ روڈ پورو مریک داڑآن اسلام آباد اسکان سفر کم مریک۔ اوپارے کہ مستین اٹ حکومت آک ملکی فائدہ غاتے قومی فائدہ غاتیا اولیت تسر، ہندن ءُ چاگڑد اس جوڑ کریر ہراٹی ملکی زرگزران ءِ مصنوعی وڑاٹ مثبت کننگا حالانکہ ملکی زرگزران بھسکاری نا دنگ آ ئس، ادارہ غاک ژند ئسر، اوفتا خارجہ پالیسی ہندن ئس کہ پاکستان دنیا ٹی تنیا سلوک ئس۔ وزیراعظم عمران خان غٹ چیلنج آتے قبول کرسا ملک انا باگ دوڑ ءِ سنبھالا و بیدس خوف انا کاریم کرسا پاکستان ءِ جہانی کہول آ او حق ترفے ہرا جوڑ مسکہ۔ بنجائی وزیر سینیٹر شبلی فراز پارے کہ ملک ءِ شونداری و الس ءِ شونہالی نا کنڈآ دننگ، انصاف نا فراوانی نا نظام ءِ شفاف و میرٹ ءِ پک کننگا۔
