بنجائی وزیر حوالکاری و شینکاری سینیٹر شبلی فراز نا دورہ کوہاٹ، ہکلہ۔ کوہاٹ شاہراہ آ برجا تعمیراتی کاریم نا جاچ، ریڈیو پاکستان کوہاٹ اسٹیشن نا دورہ

کوہاٹ۔ 28 نومبر (اے پی پی) بنجائی وزیر حوالکاری و شینکاری سینیٹر شبلی فراز کوہاٹ نا دورہ ءِ کرے، ہکلہ۔کوہاٹ شاہراہ آ برجا تعمیراتی کاریم نا جاچ، کوہاٹ ضلعی انتظامیہ برجا شونداری ڈٹ آتا بابت حوال تس، بنجائی وزیر ءِ ریڈیو پاکستان کوہاٹ نا دورہ ءِ کننگ نا وخت آ حکومتی گام گیج آتے تالان کننگ، پروگرام و ایلو باندات آتیان معلومدار کننگا۔ بنجائی وزیر ضلعی کچہری کوہاٹ نا دورہ ءِ کرے وکوہاٹ نا پارٹی راہشون آتون ہم اوڑدہی کرے۔ ہفتہ نادے آ بنجائی وزیر حوالکاری و شینکاری سینیٹر شبلی فراز کوہاٹ دورہ ٹی ہکلہ۔کوہاٹ شاہراہ آ برجا تعمیراتی کاریم ناجاچ ءِ ہلک، چیئرمین کشمیر کمیٹی شہریار آفریدی ہم اوڑتون اوارئس۔ بنجائی وزیر حوالکاری و شینکاری سینیٹر شبلی فراز ءِ این ایچ اے کمامدارآک حوال ترسا پاریر کہ ہکلہ۔کوہاٹ شاہراہ پیکج ون 38.56کلومیٹر، پیکج ٹو 7.5 کلومیٹر وخت اس کہ پیکج تھری38 کلومیٹر ءِ، ہر مسٹ آ پیکج آتیکن فنڈ ساڑی حکومت جاری کرے۔ ہکلہ۔ کوہاٹ شاہراہ پورو مننگ آن پد اسلام آباد آن کوہاٹ سفر 2 گھنٹہ ٹی طے مریک۔