پیپلزپارٹی دور اٹی پاکستان اسٹیل نسخان اٹی ئس، مسلم لیگ ن نا دور اٹی اسٹیل مل آک بند مسر، بنجائی وزیر حماد اظہر

اسلام آباد۔ 28 نومبر (اے پی پی) بنجائی وزیر صنعت و پیداوار حماد اظہر پارے کہ پیپلزپارٹی دور اٹی پاکستان اسٹیل نسخان اٹی ئس، مسلم لیگ ن نا دور اٹی اسٹیل مل آک بند مسر، تدوک آ 5 سال آن پاکستان اسٹیل پورو بند ءُ، پاکستان اٹیل نا برطرف ملازم آتا بقایہ جات آتے ادا کننگک۔ داخیال آتا درشانی ءِ او ہفتہ نا دے آ پریس کانفرنس کرساکرے۔ اوپارے کہ پاکستان اسٹیل ملز انا لائخی ءِ کم کننگا، ملازم آتا تنخواتیکن ماہانہ 75 کروڑ روپئی درکار مریک، ویل آ او مخلوق سیاست کننگ ءُ ہرافک ادارہ غاتے ڈبیفیر، مستین اٹ وخت آ فیصلہ مسکہ تو حالیت آک جوان مسرہ۔ حماد اظہر پارے کہ سرکاری ادارہ غاتا نسخانک ننا دفاعی بجٹ آن زیات ءُ، اِرا ہزار ارب آن زیات قومی ادارہ غاتا نسخانک ءُ، ننے سماءِ دا باندات آ سیاست مریک، بنجائی وزیر حماد اظہر پارے کہ ہراملازم آتے کشنگ انگ ءِ اوفتے فی ملازم اوسط 23 لکھ روپئی ایتنہ۔