اسلام آباد۔ 28 نومبر (اے پی پی) اسپیکر قومی اسمبلی اسد قیصر الس آن خواست کرینے کہ او کوویڈ۔ 19 آن بچنگ کن جان جوڑی نا راہشون اصول و ایس او پی تیا سختی اٹ عمل کیر۔ داخیال آتا درشانی ءِ او ہفتہ نادے آ قوم انا پن تینا ویڈیو کلہواٹی کرے۔ اسپیکر دا خواست ءِ ہمووخت آ کرے ہراتم مچ آ ملک اٹی کورونا دین ناجوڑی نا ارٹ میکو لہر نا بننگ آ دا ناجوڑی ودنگ ءِ۔ اسپیکر الیکٹرانک و سوشل میڈیا نا کمک اٹ جاری تینا ویڈیو کلہو اٹی قوم آن خواست کرینے کہ دا دین آن زہمی مننگ آن پد دا ناجوڑی انسان آ تباہ کن نفسیاتی و جان جوڑی نا خراب ءُ زہم مرتب کیک۔ اوپارے کہ اودے دا تکلیف نا احساس ارے انتئے کہ او و اونا خاہوت دا ناجوڑی آن گدرینگانو۔
