اسلام آباد۔27نومبر (اے پی پی): مزن وزیر عمران خان ءَ گوں نامداریں امریکی گشندہ شیئیر ءَ آدینگ ءِ روچ ءَ گند ءُ نند کت۔ ھاسیں کمکار برائے موسم زانتیں کارگس ملک امین اسلم اے گند ءُ نند ءِ ساھت ءَ ساڑی ات۔ اے موہ ءِ سر ءَ مزن وزیر ءَ اسلام آباد ءِ مرگزار زو ءَ کاون پیل ءِ ریٹائرمنٹ ءُ اے پیل ءَ را جنگل ءَ برگ ءُ …
مزن وزیر عمران خان ءَ گوں نامداریں گشندہ شیئیر ءِ گند ءُ نند
گیشتریں ھال
اسلام آباد۔27نومبر (اے پی پی): مزن وزیر عمران خان ءَ گوں نامداریں امریکی گشندہ شیئیر ءَ آدینگ ءِ روچ ءَ گند ءُ نند کت۔ ھاسیں کمکار برائے موسم زانتیں کارگس ملک امین اسلم اے گند ءُ نند ءِ ساھت ءَ ساڑی ات۔ اے موہ ءِ سر ءَ مزن وزیر ءَ اسلام آباد ءِ مرگزار زو ءَ کاون پیل ءِ ریٹائرمنٹ ءُ اے پیل ءَ را جنگل ءَ برگ ءُ یل کنگ ءِ ھوالگ ءَ گشندہ شیئیر ءِ بے دروریں کرد ءَ را ساڑات۔ مزن وزیر ءَ آئی ءَ را جنگلی زندمان ءِ رکھینگ ءُ ایشرا گیش پراھ ءُ شاھیگانن کنگ ءِ ھوالگ ءَ حکومتی پروگرام آنی تہ ءَ بھر زوری ءِ بابت ءَ دعوت ھم دات ءُ ایشاناں آئی ءَ قبول ھم کت انت۔ اے موہ ءِ سر ءَ مزن وزیر عمران خان ءَ گوشت کہ اسلام آباد ءُ سرجمیں ملک ءِ مردم آنی وساتہ کساس 35 سال ءَ سئیل ءُ سواد ءِ وسیلگ جوڑ بوھگ ءَ پد کاون نوں کمبوڈیا ءِ جنگل ءَ ایندگر پیل آنی گوما زندمان ءَ گوزین ایت ایش یک وشیں گپ ات۔ اے موہ ء، سر ءَ امریکی گشندہ شیئیر ءَ پاکستان ءَ را ساپ ءُ سلہ ائیں ملک ءِ جوڑ کنگ ءِ ھوالگ ءَ مزن وزیر عمران خان ءِ سروکی ءَ حکومتی گامگیج آنی توسیپ کت۔
