اسلام آباد۔27نومبر (اے پی پی):پاکستان ءُ سعودی عرب ءَ انرجی ءِ شوبگ ءَ ھوار دو نیمگی تجارت ءُ اقتصادی کمک آناں گیش شاھیگانی دیگ ءِ ھوالگ ءَ تپاک کت۔ اے گپ  وت مہ وتی تپاکیءَ گوں آدینگ ءِ روچ ءَ نائیجریا ءَ  او آئی سی وزیر  ءِ درئی کار کونسل  ءِ 47   چیل ءُ ھپتمی دیوان  ءِ  موہ ءَ وزیر ءِ درئی کار شاہ محمود قریشی ءُ   آئی سعودی ھمکار شہزادہ  فیصل ءِ نیام ءَ گند ءُ نند ءِ ساھت ءَ  کنگ بوت۔ ترسجمان درئی کارانی کارگس ءِ رد ءَ گند ءُ نند ءَ دو نیمگی یکوئی، دمگی  کار، یکجائی فورم ءَ کمک ءُ کوویڈ-19 ءِ جاور ھال ءَ ھوار جتا جتائیں کار آنی سر ءَ ھیال ریچی کنگ بوت۔  وزیر ءِ درئی کار ءَ جی -20 سروکی  دیوان ءِ کامیاتیں برجائی ءِ پد ءَ  سعودی سروک آناں مبارک بات دات۔ وزیر ءِ درئی کار شاہ محمود قریشی ءَ گوشت کہ پاکستان ءُ سعودی عرب ءِ یکوئی  جھلانکیں ءُ برجمیں بنیات آنی پد ءَ   مھکم انت۔  پریک آں  انرجی ءَ ھوار دو نیمگی تجارت ءُ اقتصادی کمک آناں گیش شاھیگانی دیگ ءِ  ھوالگ ءَ تپاک کت۔  دوئیں وزیر ءِ درئی  کار آآں او آئی سی ءِ  مسلمان آنی واستہ  ارزشتی ایں  پلیٹ فارم ءُ  کشمیر ءِ جیڈھ  ءَ دیمروئی گامگیج آںی ھوالگ ءَ  گل کاری  کنگ ءِ کرد آنی بابت ءَ ھیال ریچی کت۔