اسلام آباد۔27نومبر (اے پی پی): مزن وزیر عمران خان ءَ آدینگ ءِ روچ ءَ اسلام آباد ءَ احساس کفالت کیش پیمنٹ سینٹر آنی تر ءُ تاب کت، ایشی رد ءَ مرچی ءَ چہ 70 لکھ بزگر آناں کیش پیمنٹ زر دیگ بندات بوتگ۔ ھاسیں کمکار ڈاکٹر ثانیہ نشتر ءَ مزن وزیر ءَ را زرّ پیمنٹ ءِ کار رپک ءَ را گیش گہتر کنگ ءُ سائبر ارش آں چہ رکھگ ءِ واستہ چست کتگیں گامگیج آنی بابت ءَ سر پد کت۔ مزن وزیر ءَ گوشت کہ انوگیں رند ءَ زالبول آناں بینک آں تاں رسائی ءُ اے ٹی ایم ءَ چہ زر ءِ کشگ ءَ را دل یکیمی جوڑ کنگ بوتگ۔ احساس زرّ پیمنٹ ءِ کار رپک ءَ را جوان ءُ گہتر کنگ ءِ واستہ بائیو میٹرک اے ٹی ایم ءَ چہ زر ءِ گر گ ءِ آپشن اولی رند ءَ سہرا کنگ بوھگ ءَ انت۔ اے رد ءَ ڈاکٹر ثانیہ ءَ مزن وزیر ءَ را گوشگ بوت کہ اے نظام بزگریں زالبول آناں دُزئیں ایجنٹ ءُ زرّ آنی کاٹوک آں چہ رکھینگ ءُ آسراتی پجارین ایت۔ احساس کفالت ءِ پیمنٹ بھر آںی تہ ءَ کنگ بنت۔ اولی رند ءَ بندات مرچی ءَ چہ بوھگ ءَ انت ایشی ءِ چیر دستی ءَ 43 لکھ بزگریں زالبول آناں کیش پیمنٹ دیگ بندات بوتگ۔ ھمک مردم ءَ را 12 ہزار کلدار دیگ بیت اے زرّ جولائی 2020 ءَ چہ دسمبر 2020 ءِ وھد ءُ پاس ءِ واستہ انت۔ یات دارگ بہ بیت کہ اے 6 ماہ ءِ ھواریں زرّ یک مشت ءَ دیگ بوھگ ءَ انت۔ مزن وزیر ءَ اولی رند ءَ ایشی کساس 70 لکھ زالبول آناں تاں پجارینگ ءِ منظوری داتگ۔ ایشی رد ءَ 70 لکھ گس آناں سیت رس ایت۔ لکھانی زالبول آناں زندمان آنی مٹ ءُ بدل کنان ءَ ، احساس –ون-وومن-ون اکائونٹ ، پشت کپتگیں مردم آناں نا ایوک ءَ وتی مالی مشکل آں چہ در کنگ ءَ کمک رس ایت بلکینگ ءَ سکیں ضلورت ءَ وھد ءَ مالی پریشانی ءَ چہ رکھین ایت۔
