اسلام آباد۔ 27 نومبر (اے پی پی) وزیراعظم نا خصوصی کمکار سی ڈی اے امور علی نواز اعوان جمعہ نادے آ چیئرمین آرڈی اے تون اوڑدہی کرے۔ اوڑدہی ٹی ٹرنک آپریشن آن بیدس، اسلام آباد ہائی وے تون کری آن کورنگ نالہ ٹی سیوریج لین نا ڈٹ آ پیش رفت آن بیدس ڈھوک کالاخان آن ضیاء مسجد اسکان نا سیوریج نا دیر انا ڈٹ آ پیش رفت نا جاچءِ ہلنگا۔ دیوان اٹی آرڈی اے کمامدارآک ڈٹ آ خصوصی کمکار ءِ سرجم حوال تس۔ خصوصی کمکار آرڈی اے کمامدار آتے پارت کرے کہ ڈٹ ءِ زوت حتمی دروشم اس تننگے تانکہ السی ویل آک وخت آ ایسر مننگ کیر۔ دیوان اٹی چیئرمین آرڈی اے آن بیدس ایم ڈی واسا و سی ڈی اے کمامدار و اپوزیشن لیڈر ایم سی آئی ملک عامر ئسک ہم ساڑی ئسر۔
