اسلام آباد۔ 27 نومبر (اے پی پی) وزیراعظم نا نمائندہ خصوصی مذہبی ہم آہنگی دے ٹک نیامی و پاکستان علماء کونسل نا چیئرمین حافظ طاہر محمود اشرفی پارینے کہ اسلامی کمکار تنظیم نا کشمیر نا ویل آ موقف بدل متنے، اسلامی کمکار تنظیم نا وزیر خارجہ غاتا دیوان اٹی وزیر خارجہ شاہ محمود قریشی کشمیر، فلسطین، اسلاموفوبیا، توہین ناموس رسالت آ پبی موقف پیش کیک۔ جمعہ نادے آ تینا اسہ بیان اسے ٹی اوپارے کہ متحدہ عرب امارات تون ویزہ غاتا معاملہ ایسر مسنے، بھارتی میڈیا پاکستان و عرب ملک آتا نیام اٹ غلط فہمی ودی کننگ کن غلط پروپیگنڈاکننگ ءِ۔ اوپارے کہ پاکستان اٹ اقلیت آتا حق انا پورو رکھ ءِ کننگ انگ ءِ، پشاور، ننکانہ صاحب اٹ کسفوک آ غیر مسلم تا خونی تے دزگیر کننگانے۔ اوپارے کہ توہین ناموس رسالت یا توہین مذہب نا غلط پرچہ نوشتہ مس تو اودے ایسر کننگک۔
