مھکمیں ءُ دراج بُریں بنیات آنی پد ءَ گامگیج آنی سبب ءَ راجی معیشت برجائی ءِ نیمگ ءَ رھادگ
رپورٹ : طارق عزیز: بلوچی رجانک ۔ اورنگ زیب اسلم بلوچ
پاکستان تحریک انصاف ء، حکومت ءَ را میراس ءَ رستگیں اقتصادی جاور آں گوں گر ءُ چیل ءُ ھرابیں جاور ءُ معیشت ءِ برجائی ءِ واستہ مھکمیں ءُ دراج بُریں بنیات آنی پد ءَ گامگیج چست کتگ ایشی ءِ سبب ءَ راجی معیشت برجائی ءِ نیمگ ءَ رھادگ بوتگ، کوویڈ 19 ءِ میاں اوستمانی ھوپ ءَ ابید استیں ڈیٹا معیشت ءِ مھکمی، شنگ ءُ تالان ءُ برجائی ءِ سیم سر آں سر بوھگ ءَ انت۔
جاڑیگیں مالی سال ءِ ساھت ءَ راجی معیشت ءِ ھوالگ ءَ ٹک پازیٹیو انت، ڈن ملک ءَ نندوکیں پاکستانی آنی نیمگ ءَ رز آنی شنگ ءُ تالان ءَ 26.5 درسد م ئج شکئ ۓِ در ملکی سرمایہ کاری ءَ 9.1 درسد ءُ ٹیکس یکجا کنگ ءَ 4.5 درسد گیشی گندگ بوتگ۔ ملکی راجدپتر ءَ اولی رند ءَ پرائمری بیلنس 258 ارب کلدار ءَ پج اتگ۔
سال 2018 ءَ حکومت ءَ را مشکلیں اقتصادی جاور ءُ معیشت مڈی ءَ رستگ انت، معاشی سنگینی ءُ کچ ءُ کساس ءِ گیش بوھگ حکومتی ھرچ ءُ درچ آنی گر ءُ دار ءِ واستہ حکومت ءَ ترندیں مالیاتی ڈسپلین مھکم داشتگ، ریکوری ءِ تہ ءَ گیشی کنگ بوتگ، مارکیٹ ءِ ایکسچینج ریٹ سہرا کنائینتگ، ٹیکس آنی مزنیں یلوئی ءُ شید ءُ بیدی ءِ ھلاسی کنگ بوتگ وھدیکہ درآمدی پڑ دلبڈیں رنگ ءَ دیم ءَ سہرا بوتگ۔ اے گامگیج آنی نتیجگ ءَ پاکستان ءَ مالیاتی ءُ ھساب ءُ داد آنی وام آنی گر ءُ دار گہتری گندگ بوتگ، اولی رند ءَ پرائمری بیلنس گیش ود اتگ ایشی درور پیسرے زمانگ ءَ نہ رس ایت۔
کویڈ-19 ءِ میاں اوستمانی ھوپ ءَ چہ پیسر توامیں معاشی ٹک آنی تہ ءَ گہتر گندگ بوھگ ءَ بوتگ انت۔ کوویڈ – 19 ءِ وھد ءَ حکومت ءَ سمارٹ لاک ڈائون ءِ پالیشی وتی کتگ ایشی مول ءُ مراد ھوپ ءِ گر ءُ دار ءُ ایشی ھوار معیشت ءَ را برجا ءُ مھکم کنگ بوتگ، سمارٹ لاک ڈائون ءِ پالیشی ءِ چیر دستی ءَ بازیں کاروباری شوبگ آناں پچ کنگ بوتگ وھدیکہ بازین آناں گیشینتگیں کچ ءُ کساس ءَ جاڑی دارگ ءِ موہ دیگ بہ بیت تانکہ مشکل ءُ سکیں ساھت ءَ ھوپ ءِ رند پد آناں کمک کنگ بہ بیت۔ مزن وزیر عمران خان ءَ کشت ءُ کشاری شوبگ ءِ واستہ 24 ارب کلدار ءِ پیکج ءِ منظوری داتگ تانکہ دھکان آناں کم نیاد آنی سر ءَ کشت ءُ کشار ءِ پجاری بوت بہ کنت۔ کسانیں ءُ درنیامی درجگ ءِ کاروبا (ایس ایم ایز) آناں کیش ءِ جیڈھ ءُ بے روزگاری ءَ چہ رکھگ ءِ واستہ ریلیف پیکج داتگ۔ حکومت ءَ ھمک روچ مزوروی کنوکیں یک کروڑ 50 لکھ ھاندان آناں 12 ہزار کلدار ھمک ھاندان نگری کمک دیگ ءِ واستہ “احساس ایمرجنسی کیش پروگرام” بندات کتگ ءُ اے مول ءُ مراد ءِ واستہ 144 ارب کلدار گیشینگ بوتگ۔
مالی سال ءِ اولی سئے ماھ آنی تہ ءَ راجی معیشت ءِ ھوالگ ءَ ٹک پازیٹیو بوتگ انت، ڈن ملک ءَ نندوکیں پاکستانی آنی نیمگ ءَزر شنگ ءُ تلان ءَ 26.5 درسد ، یک شل ءَ در ملکی سرمایہ کاری ءَ 9.1 درسد ءُ ٹیکس یکجا کنگ ءَ 4.5 درسد گیشی گندگ بوتگ۔ پرائمری بیلنس 258 ارب کلدار مھکم بوتگ۔ حکومت ءِ وھد ءُ موہ ءِ سر ءَ کلانہ ایں پالیشی آںی سبب ءَ ٹوھیں صنعت آنی پیداوار (ایل ایس ایم) ءَ 4.8 درسد ءُ سیمنٹ ءِ پیداوار ءَ 20 درسد گیشی بوتگ، سیمنٹ ءِ 100 درسد پیداواری بستار گون بیت۔ ھمے رنگ ءَ جوالائی ءَ چہ بگر تاں اکتربر 2020 ءِ وھد ءُ پاس ءَ گاڑی، موٹر سائیکل ءُ ٹریکٹر آنی آنی بھا ءُ سیم ءِ تہ ءَ مزنیں کساس ءَ گیشی بوتگ۔ کوویڈ-19 ءِ میاں اوستمانی ھوپ ءَ ابید استیں ڈیٹا معیشت ءِ مھکمی، شنگ ءُ تالان ءُ برجائی ءِ بھر آنا سہرا کنگ ءَ انت۔
حکومت جندی شوبگ آنی کمک آنی سر ءَ پیکوئیں رنگ ءَ دل یکیمی دار ایت ءُ اے شوبگ ءَ را معاشی دیمروئی ءِ بنزہ پھم ایت، حکومت ءِ جوانیں ءُ مھکمی ءُ دراج بُریں دیمروئی ءِ واستہ ادارگ آںی تہ ءَ گہتری آرگ ءِ سر ءَ دل یکیمی دار ایت۔ کریڈٹ ریٹنگ ءِ میاں اوستمانی ادارگ موڈیز ءَ اگس 2020 ءَ پاکستان ءِ معاشی درجگ بندی ءَ را مھکم نامینتگ۔ حکومت ءَ در ملکی سرمایہ کاری شوبگ ءَ آزاتیں پالیشی سہرا کنائینتگ، کاروبا ءَ آسانی ءِ واستہ بازیں گامگیج چست کنگ بوتگ۔ کاروبا ءَ آسانی ءِ بابت ءَ میاں اوستمانی انڈیکس (ای او بی ڈی) ءَ 2018 ءَ پاکستان ءِ پوزیشن 147، 2019 ءَ 136 ءُ سال 2020 ءَ 108 یک سد ءُ ھشتمی نمبر ءَ اتکگ۔ پاکستان ءَ زر ءِ شنگ ءُ تالان ءُ یک شل ءَ در ملکی سرمایہ کاری ءَ گیشی بوتگ ایش پاکستان ءِ معیشت ءِ سر ءَ دل یکیم ءُ برجائی ءَ را سہرا کنگ ءَ انت۔
