اسلام آباد۔26نومبر (اے پی پی): مزن وزیر ءِ مشیر برائے ھزانگ ڈاکٹر عبدالحفیظ شیخ ءَ گوشت کہ حکومت ءِ سمارٹ لاک ڈائون ءِ پالیشی ءِ سبب ءَ پاکستان ءِ معیشت دیم پہ برجائی رھادگ بوتگ۔ آئی ءَ اے گپ پنچ شمبے ءِ روچ ءَ ادا پاکستان ءَ برطانیہ ءِ ہائی کمشنر ڈاکٹر کرسٹین ٹرنر ءَ گوں گند ءُ نند ءَ کت انت۔ گند ءُ نند ءَ دو نیمگ یکوئی کار آنی سر ءَ تران کنگ بوت، مزن وزیر ءِ مشیر ءَ برطانیہ ءِ ہائی کمشنر ءَ را کورونا وائرس ءِ رد ءَ معاشی آسر آناں کم کنگ ءُ چاگرد ءِ گریب ءُ ھمزوریں تبک ءِ رکھنگ ءِ واستہ چست کتگیں گامگیج آنی بابت ءَ سرپد کت۔ آئی ءَ برطانی ءِ ہائی کمشنر ءَ را پاکستان ءِ اقتصادی پشپد آنی واستہ بربفنگ دات ءُ گوشت کہ حکومت ءَ گامگیج آنی سبب ءَ زر آنی شنگ ءُ تالان ءِ تہ ءَ گیشی بوھگ ءَ انت، یک شلی ءَ در ملکی سرمایہ کاری گیش بوھگ ءَ انت، آئی ءَ گوشت کہ سمارٹ لاک ڈائون ءِ پالیشی ءِ سبب ءَ پاکستان ءِ معیشت نوں برجا بوتگ۔ برطا نیہ ءِ ہائی کمشنر ءَ پاکستان ءِ شہری آناں ٹوھیں ھوپ ءِ سبب ءَ معاشی ءُ چاگردی رند پد آناں کم کنگ ءِ رد ءَ برطانیہ ءِ حکومت ءِ نیمگ ءَ ھمک رنگیں کمک کنگ ءِ ھوالگ ءَ دل یکیمی دات۔ مزن وزیر ءِ مشیر ءَ کمک پجارینگ ءِ پیشوکی گوشگ ءِ رد ءَ ہائی کمشنر ءِ شگر ءُ منت گپت۔
