اسلام آباد۔25نومبر (اے پی پی):صدرمملکت ڈاکٹرعارف علوی ءَ جون 2021 ءَ تاں پارلیمنٹ ءِ ڈیجیٹلائزیشن ءِ واستہ گامگیج کنگ ءِ پنت ءُ شون کنان ءَ گوشت کہ پارلیمان ءِ دوئیں ایوان آناں انفارمیشن ٹیکنالوجی ءِ رد ءَ کنگ سک باز المی ءُ ارزشتی انت۔ صدر ءَ اے گپ چار شمبے ءِ روچ ءَ پارلیمنٹ گس ءِ سائبر ازمکاری آسراتی دیگ ءِ ھوالگ ءَ دیوان ءِ سروکی ءَ کنان ءَ کت۔ دیوان ءَ چیئرمین سینیٹ محمد صادق سنجرانی سپیکر قومی اسمبلی اسد قیصر،بنجاھی وزیر برائے آئی ٹی سید امین الحق ،سیکرٹری انفارمیشن ٹیکنالوجی شعیب احمدصدیقی، سیکرٹری قومی اسمبلی طاہرحسین اور نیشنل انفارمیشن ٹیکنالوجی بورڈ ءِ ایگزیکٹوڈائریکٹرشباہت علی شاہ ءَ بھر زوری کت۔ صدر مملکت ءَ را پارلیمنٹ ءِ آٹومیشن ءِ ھوالگ ءَ بریفنگ دیگ بوت۔ صدر ءَ دیوان ءَ را گوشت کہ جوانیں پیسلہ کنگ گہتریں سیکرٹریٹ ءُ کمیٹی مینیجمنٹ ءِ واستہ پارلیمنٹ ءِ ڈیجیٹیلائزیشن سک باز ضلوری انت۔ آئی ء۔ گوشت کہ پارلیمنٹ ءِ دوئیں ایوان آناں انفارمیشن ٹیکنالوجی ءِ آسراتی دیگ سک باز ضلوری انت۔ آئی ءَ گوشت کہ ڈیجیٹیلائزیشن ءَ چہ پارلیمنٹ ءِ کار کرد ءِ تہ ءَ گہتری کئیت ءُ کانود جوڑ کنگ ءِ رد ءَ کمک رسیت۔ صدر ءَ سیادی دارو2کیں اسٹیک ہولڈر آناں جون 2021 ءَ تاں پارلیمنٹ ءَ را ڈیجیٹیلائزیشن ءِ واستہ گامگیج کنگ ءِ پنت ءُ شون ھم کت۔
