کرپشن ءِ ھلاسی ءِ واستہ سرپدی،  پجاروکی ءُ انفورسمنٹ ءِ  پالیشی ءِ واستہ جوانیں آسر دیم ءَ سہرا بوھگ ءَ انت ، چیئرمین نیب ءِ دیوان ءَ گوں گشتانک

اسلام آباد۔25نومبر  (اے پی پی):چیئرمین نیب جسٹس جاوید اقبال ءِ سروکی ءَ نیب ھیڈ کوارٹرز ءَ یک مزن تکی دیوان ءِ برجم دارگ بوت۔  دیونءَ نیب ءِ ھواریں کار کرد  آنی سر ءَ چار ءُ تپاسی گرگ بوت ءُ ایشانی سر ءَ دل یکیمی ءِ درشان کنگ بوت۔ چیئرمین  نیب جسٹس جاوید اقبال ءَ گوشت کہ نیب ءَ گوستگیں 2 سال ءِ ساھت ءَ سیاسی   سپارشی ءَ چہ برزتر بوھان ءَ کیاسگری ءِ سر ءَ مھکمی ءَ گوں پد ءُ رندی کنان ءَ وتی کوشست ءَ  بکن ات بلکینگ ءَ لٹ ءُ پُل  کنوک آں چہ نیب ءَ  2 سال  ءِ ساھت ءَ کساس 363 ارب کلدار  “بلواسطہ ءُ بلاواسطہ ”  زر در جتگ ءُ راجی ھزانگ   ءَ جم کنائینتگ  ایش یک ریکاٹیں کامیاتی ات۔  چیئرمین نیب جسٹس جاوید اقبال  ءَ  گوشت کہ نیب ءَ ملک ءَ چہ لٹ ءُ  پل ءِ ھلاسی ءِ واستہ  مھکمیں گامگیج آنی پد ءُ رندی ءَ چہ بے دروریں آسر دیم ءَ سہرا بوھگ ءَ انت۔