اسلام آباد۔25نومبر (اے پی پی): بنجاھی وزیر نارکا ٹکس کنرول سینیٹر اعظم خان سواتی ءَ گوشت کہ منشیات ءِ جیڈھ ایمنی ءَ چہ گیش دماگ ءِ کنٹرول ءُ جوڑیشت ءَ گوں بندوک انت، وزارت ءِ نارکوٹیکس کنٹرول منیشات ءِ لوٹ ءَ را کم کنگ ءِ واستہ کوشست کنگ ءَ انت۔ اے گپ آئی ءَ چار شمبے ءِ روچ ءَ مصر ءِ سفیر طارق محمد دہروگ ءَ گوں گند ءُ نند ءِ ساھت ءَ کت۔ بنجاھی وزیر سینیٹر اعظم خان سواتی ءَ گوشت کہ وت جوڑ کتگیں منشیات درستاں چہ مستریں جیڈھ انت، 500 ءَ چہ گیش وت جوڑ کتگیں منشیات است انت ایش بازیں وھد ءَ مٹھائی ءُ ایندگر ھمروچگیں وردن ءُ وراک ءِ وڑا ءَ چیر انت۔ آئی ءَ گوشت کہ سیم سر آنی سر ءَ منشیات ءِ کنٹرول ءَ را گہتر کنگ ءِ واستہ وزارت گیشاں چہ گیش کوشست کنگ ءَ انت تانکہ گیر کانودی منشیات پاکستان ءَ اتک مہ کنت۔
