اسلام آباد۔ 25 نومبر (اے پی پی) بنجائی وزیر سائنس و ٹیکنالوجی فواد چوہدری پارینے کہ سی پیک نا آخبت روشنا و پاکستان چینی زرکارآتیکن پرکشش ءُ منڈی اس جوڑ مسنے۔ چارشنبے نادے آ داڑے سی پیک نا بابت سیمینار آن تران کرسا وزیر سائنس و ٹیکنالوجی پارے کہ سی پیک نا روشنا آخبت ءِ و دا ڈٹ آن پاکستان و چین آن بیدس ڈیہہ نا غٹ ملک آتے فائدہ مریک۔ اوپارے کہ پاکستان چینی زرکار آتیکن اسہ پرکشش ءُ منڈی اس جوڑ مسنے۔ فواد چوہدری پارے کہ سی پیک نا رداٹ یانزدہ خصوصی اقتصادی زون جوڑ کننگ انگ ءِ ہراڑآن ملک اٹی صنعتی شونداری ءِ مون آ دننگک و ورناتے روزگار ملک۔ اوپارے کہ نن تینا نیم کنڈکٹر انڈسٹری ءِ شون تننگ و چینی سنگت آتا کمک اٹ تینا مصنوعات آتیٹی قدر اٹی ودکی نا ڈٹ تخنہ۔ بنجائی وزیر پارے کہ ساڑی حکومت ملک اٹی اڑزآن و گیگ بدل ذریعہ اٹ بجلی نا دوئی کننگ کن کوشست کننگ ءِ وخت اس کہ نن چینی کمپنی تیان تینا شمسی پینل تیار کروک آ یونٹ آتے پاکستان آ گدریفنگ کن ہم رابطہ کرینن۔
