اسلام آباد۔ 25 نومبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ کورونا کون آ اہم باندات ءِ سیاست نا گواچی کننگپ، الس نا جان جوڑی و زند انا باندات آ سلابت اٹ مون آ ہِننگے۔ چارشنبے نادے آ تینا ٹویٹ اٹی بنجائی وزیر سینیٹر شبلی فراز پارے کہ اسپیکر قومی اسمبلی نا کماشی ٹی کوویڈ پارلیمانی کمیٹی نا دیوان بھاز اہمیت تخک ومریک، اومیت کینہ کہ اپوزیشن راہشونک داٹی بشخ ہلسا کورونا نا زہم تتون مون تننگ کن تینا سلاہ تے ایترہ۔
