اسلام آباد۔ 25 نومبر (اے پی پی) وزیراعظم نا نمائندہ خصوصی مذہبی ہم آہنگی دے ٹک نیامی و پاکستان علماء کونسل نا چیئرمین حافظ طاہر محمود اشرفی پارے کہ اسلام زالبول آتا حق انا رکھوک ءِ، اسلام بطور زائیفہ، مسڑ، لمہ، ایڑھ ہراحق و شرف ءِ زالبول آتے تسنے اوفتے پین اسہ دین اس ہم تتنے۔ چارشنبے نادے آ زالبول آتیا بیدادی نا توننگ نا جہانی دے انا وخت آ تینا بیان اٹی اوپارے کہ رسول اکرم صلی اللہ علیہ و آلہ وسلم نا بننگ آن پد زالبول آتے ہرا شرف ملا، اودنیا ٹی مہالو ساڑی الوکہ۔ اوپارے کہ گرج داہیت انا ءِ کہ مسن تا تعلیم، میرات اٹی زالبول آتا حق و داوڑنا ایلو باندات آتا بارواٹ السی کہول آ مہم اس چلیفنگے و دا چرجوئی ٹی محراب و منبر تینا پبی کڑد ءِ ادا کننگ ءُ و انشاء اللہ اداکرسا کیرہ۔
