ریپ انا توننگ نا کانود نا مسودہ ءِ حتمی دروشم اس تننگانے، وزیراعظم نا سلاہکار احتساب وداخلہ بیرسٹر شہزاد اکبر نا ٹویٹ

اسلام آباد۔ 24 نومبر (اے پی پی) وزیراعظم نا سلاہکار احتساب و داخلہ بیرسٹر شہزاد اکبر پارینے کہ وزیراعظم نا پارت آتا رداٹ ریپ انا توننگ کن تیارکروک کانود نا مسودہ ءِ حتمی دروشم اس تننگانے۔ سے شنبے نادے آ تینا ٹویٹ اٹی او پارے کہ وزیراعظم نا پارت آتارداٹ ریپ انا توننگ کن تیار کروک کانود نا مسودہ ءِ حتمی دروشم اس تننگانے۔ اوپارے کہ اینٹی ریپ بل انا مسخت زہمی تا رکھ و دوبہ دار آتا ریکارڈ تخنگ ناءِ۔ خصوصی عدالت آتا ٹہیفنگ نا کمک اٹ مقدمہ غاتا ترند رفتار و گچین پراسیکوشن بل اٹ اوار ءِ۔