اسلام آباد۔24نومبر (اے پی پی): مزن وزیر عمران خان ءِ نیمگ ءَ کمو کٹ کنوکیں مردم آناں بنیاتی آسراتی ءِ پجاری ءِ واستہ پناہ گاہ آنی جوڑیشت یک آشوبی گامگیج ات ایشی ءَ چہ بزگر سیت مند بنت ھما کہ شپ ءَ فٹ پاتھ ءِ سر ءَ یا آزمان ءِ چیر ءَ زندمان ءَ گوازینگ ءَ انت۔ ترندیں سرتی ءَ آ چو بزگ ءُ لاچار انت، اے گامگیج ریاست ءِ مدینہ ءِ ماڈل ءِ یک جوانیں درور ات ، ادا گریبیں مردم آنی ھک آنی رکھینگ حکومت ءِ بنیاتی زمہ واری انت۔ پناہ گاہ آنی تہ ءَ لکھانی اے رنگیں مردم آناں آسراتی پجاری کنگ بوھگ ءَ انت آ ھمک روچ روزنداری ءِ سر ءَ کار کنگ ءَ انت۔ آواناں ون سٹار ہوٹل ءِ برابر ءَ مپت ءَ گس ءُ وردن ءُ وراک پجاری کنگ بوھگ ءَ انت۔ پناہ گاہ آنی جوڑیشت ءِ اے منصوبگ پاکستان تحریک انصاف ءِ نیمگ ءَ چست کتگیں گامگیج آنی تہ ءَ جوانیں گامگیج آنی لڑ ءَ ھوار انت، ایش تحریک انصاف ءِ گچین کاری منشور ءِ یک دگہ سوگند ءِ پیلو کنگ ءِ درشان انت۔ پاکستان بیت المال ءَ مزن وزیر عمران خان ءِ ریاست مدینہ ءِ نمونگ ءِ چیر دستی ءَ پاکستان ءَ را گہبودی ریاست جوڑ کنگ ءِ وژن ءِ رد ءَ پناہ گاہ آناں نوکیں نمونگ ءِ رد ءَ جوڑ کنگ پیسلہ کتگ۔ بنجاھی حکومت ءَ احساس پروگرام ءِ گوما بندات کتگیں اے منصوبگ ءِ چیر دستی ءَ ضلورت مندیں مردم آناں پناہ گاہ آنی تہ ءَ ادارکی نندگی جاھ پجاری کنگ ءِ گوما سہب ءِ ناشتہ ءُ شپ ءِ شام ءِ پجارینگ بیت۔ اے منصوبگ ءَ چہ ھما شہری مردم سیت چست کتگ کناں ھماوانی واناں شہر ءِ اندر ءَ یا کوچگ ءَ وتی جندے گس نیست انت یا روزگار ءِ رد ءَ وتی گس آں چہ دور انت، بے روزگفار مزور، ھمروچگیں دیاڑی داریں مزور، گریبیں مسافر، مریض آنی چار ءُ گزار ءِ واستہ آیوکیں مردم ءُ نودربر ھم اے آسراتی ءَ چہ سیت چست کت کنان۔ 49.5 ملین کلدار ءِ کساس ءَ اے پروگرام ءِ بنگیج گوزوکیں سال ءَ کنگ بوتگ ءُ اولی بھر ءَ ایشی کار رپک اسلام آباد ءَ تاں گیشینگ بوتگ ات۔ اے منصوبگ ءَ چہ انوگ ءَ تاں یک لکھ 30 ہزار 191 شہری سیت مند بوت کناں۔ اے منصوبگ ءِ چیر دستی ءَ پناہ گاہ انچیں جاہ آنی تہ ءَ جوڑیشت کنگ بنت آھودا جوانیں موسم ایٹماسپئر بہ بیت، ادارُکی یا نیم ادارکی پراھ ءپ شاھیگامیں ماڑی، ماڑی گوات دپ، آسانی ءَ گوں رسگ ءُ پجگ ءُ ھمکج کوٹی ءَ کم ءُ بیش 15 ءَ 20 مردم نشت کت بکنت، پناہ گاہ آنی واسےتہ ماڑی ریاستی زمین یا عطیہ کتگیں زمین آنی سر ءَ جوڑ کنگ بنت۔ ھمک پناہ گاہ ءِ تہ ءَ 100 ضروت مند مردم آناں ناشتہ ءِ پجاری ءِ گوما جوڑی ءِ ھم گامگیج کنگ بیت۔ ھمک پناہ گاہ سنٹر ءَ 400 مردم آنی ورگ ءُ نوشگ ءِ گنجاشک بیت۔ پناہ گاہ آنی توک ءَ ضلورت مندیں مردم آناں 24 کلاک ءَ بنداتی جان سلامتی کمک ءِ آسراتی پجاری کنگ بیت۔ ضلورت ءِ وھد ءَ کجام ھم نزیکیں سرکاری نادراھ جاہ ءَ جان سلامتی کمک ءِ پجاری کنگ بیت۔ پناہ گاہ آنی تہ ء۔ جان سلامتیں ایٹماسپئر ءِ برجا دارگ ءِ واستہ ورگی ساپیں آپ ءِ پجاری، واش رومز ءُ باتھ رومز آنی گوما پیشگاہ ءِ سپائی ءِ واستہ ھاسیں رنگ ءَ ھیال داری کنگ بیت۔ پناہ گاہ آں چہ سیت مند بوھوکیں شہری آنی چار ءُ گزار ءِ واستہ مینجمنٹ انفارمیشن سسٹم سہرا کنگ بیت ایش جوانی ءُ ساپ ءُ سلہ ئی ءَ گوں کار رپک ءِ سہرا کنگ ءَ کمکار سہرا بنت۔
