بھارتی سفارتکار  درئی کارانی  کارگس ءَ گوانک، کنٹرول لائن ءِ  کھوئی رٹہ سیکٹر ءَ جنگ بندی ءَ ابید  کور ءُ کارئی تیر گواری کنگ ءِ  پد ءَ  جاک

اسلام آباد۔23نومبر  (اے پی پی):بھارتی سینئر یں سفارتکار ءَ را درئی کارانی کارگس ءَ گوانک  جنگ بوتگ ءُ 22 نومبر ءَ بھارتی  ارد ءِ نیمگ ءَ لائن آف کنٹرول  (ایل او سی) ءِ کھوئی رٹہ سیکٹر ءَ جنگ بندی ءِ کور ءُ کائی تیر گواری  کنگ ءِ ھلاپ ءَ  سک باز جاک ءُ کوکار ریکاٹ  کنگ بوتگ۔ بھارتی ارد ءِ کور ءُ کائی  تیر گواری ءِ نتیجگ ءَ  زالبو ءُ زھگ آں ھوار  11   بے کسوریں شہری  ٹیپگ بوتگ انت۔  دو شمبے ءَ درئی کارانی کار ءِ نیمگ ءَ  جاڑی بوتگیں  ھال آنی رد ءَ  سینیئریں  بھارتی سفارتکار  ءَ را درئی کارانی کارگس ءَ  گوانک جنان ءَ جاک ءُ  کوکاری  مسل آئی ھوالگ ءَ کت انت ءُ گوشت کہ  زوراکیں بھارتی ارد ایل او سی ءُ ورکنگ باونڈری ءِ  یک شلئ ءَ ھلاپ کنان ءَ آرٹلری،  مزنیں ءُ ٹوھیں  وت  جوڑ کتگیں وتاس آنی وسیلگ ءَ  لس شہری آباتی آناں نشانگ بندگ  بوھگ ءَ انت۔