اسلام آباد۔23نومبر (اے پی پی): بنجاھی و2زیر برائے منصوبگ بندی اسد عمر ءِ سروکی ءَ این سی او سی ءِ دیوان برجم دارگ بوت، ایشی ءِ تہ ءَ ملک ءَ کورونا وائرس ءِ ھوپ ءِ جاور ھال آنی سر ءَ چار ءُ تپاسی گرگ بوت۔ دیوان ءَ بنجاھی وزیر وانگ ءُ زانگ شفقت محمود ءُ صوبائی نماھندگ آں ویڈیو لنک ءِ وسیلگ ءَ ھواری کت۔ دیوان ءَ گوشت بوت کہ مرچی سرجمیں ملک ءَ کورونا کیس آںی کساس درستاں چہ گیش 7.46 درسد بوتگ۔ دیوان ءَ ایش ھم گوشگ بوت کہ آزات جموں کشمیر ءَ 11.45 ، بلوچستان ءَ 7.73 ، گلگت بلتستان ءَ 5.23،اسلام آباد ءَ 8.09، خیبر پختونخوا ءَ 9.85، پنجاب ءَ 3.95 وھدیکہ سندھ ءَ کورونا کیس آنی کساس 9.63 درسد بوتگ۔ پنجاپ ءَ درستاں چہ گیش کیس راولپنڈی، ملتان ، لاہور ءُ فیصل آباد ءَ درستاں چہ دیم ءَ انت۔ سندھ ءَ گیشتریں کیس کراچی ءُ حیدرآباد وھدیکہ خیبر پختونخوا ءَ پشاور ، ایبٹ آباد ءُ سوات ءَ کورونا کیسز آنی گیشتریں کساس دیم ءَ اتکگ۔ گیشتریں یک ھپتگے ءِ ساھت ءَ کورونا ءِ سبب ءَ 35 مرد م بیران بوتگ انت۔ دیوان ءَ اے گپ دیم ءَ سہرا بوتگ کہ کورونا کیس آنی درستاں چہ گیش کساس وانگ ءُ زانگی ادارگ آنی دیم ءَ اتکگ۔ باندات کورونا کیس آنی 19 درسد کیس وانگ ءُ زانگی ادارگ آنی تہ ءَ رپوٹ بوتگ۔ یک ھپتگے ءِ ساھت ءَ وانگ ءُ زانگی ادارگ آنی تہ ءَ پازیٹیو کیس آنی کسس 1.8 درسد ءَ چہ گیش بوھان ءَ 3.3 درسد بوتگ ایشی ھواریں کساس 82 درسد گیشی بوتگ۔
