اسلام آباد۔22نومبر (اے پی پی): مزن وزیر عمران خان ءَ گوشت کہ پی ڈی ام وتی جاک ءُ کوکار آنی وسیلگ ءَ الس ءُ آئی کٹ ءُ کمائی ءَ را بیم آنی وڈالیگ کنگ ءَ انت، ایش ھرچی ترئی جاک ءُ کوکار بکن انت بلے ایشاناں من این آر او نہ دیاں۔ یک شمبے ءِ روچ ءَ وتی ٹویٹ ءَ مزن وززیر ءَ گوشت کہ پاکستان ءَ کورونا ءِ ھوپ ءِ دومی فیز ءِ ھساب ءُ داد سک باز گمیگ این انت۔ گوستگیں 15 روچ ءَ وینٹیلیٹرز ءِ مھتاجیں مریض آنی کساس پشاور 200 درسد ، ملتان 200 درسد، کراچی 148 درسد، لاہور 114 درسد ءُ اسلام آباد 65 درسد گیش بوتگ انت۔ اسلام آباد ءُ ملتان ءِ 70 درسد ویلینٹلینٹرز کارمرد بوھگ ءَ انت۔ آئی ءَ گوشت کہ انوں سرجمیں دگنیا دومی فیز ءِ آماچ انت ءُ گیشتریں ملک سرجمیں رنگ ءَ بند (لاک ڈائون) ءِ آماچ انت۔ مزن وزیر ءَ گوشت کہ پاکستان ءَ پی ڈی ایم وتی جاک ءُ کوکار آںی وسیلگ ءَ الس ءُ آئی کٹ ءُ کمائی ءَ را بیم آنی وڈالیگ کنگ ءَ انت چیا کہ اگاں ھمے رنگ ءَ کیس گیش ود اتنت۔ گڈاما مجبور باں کہ لاک ڈائون بجن آں ءُ آسر آنی زمہ واری پی ڈی ایم ءِ سر ءَ بیت۔ پی ڈی ایم این آر او ءِ واستہ الس ءِ جان ءُ مال ءَ را بیم آنی آماچ کنگ ءَ انت۔
