اسلام آباد۔22نومبر (اے پی پی):نیشنل کمانڈ اینڈآپریشن سنٹر (این سی او سی) ءَ کورونا وائرس ءِ ھوالگ ءَ تاجگیں ھساب ءُ داد جاڑی کتگ انت۔ این سی او سی ءِ نیمگ ءَ جاڑی بوتگیں ھساب ءُ داد آنی رد ءَ گوستگیں 24 کلاک آنی رد ءَ کورونا 2 ہزار 665 مریض آنی ٹیسٹ پازیٹیو بوتگ انت ءُ 59 مردم اے وائرس ءَ چہ بیران بوتگ انت۔ ایشانی تہ ءَ 54 مردم ہسپتال ءَ ءُ 5 مریض گس آنی اندر ء بیران بوتگ انت۔ گوستگیں 24 کلاک آنی ساھت ءَ کوویڈ-19 ءِ 38 ہزار 983 ٹیسٹ کنگ بوتگ ایشانی تہ ءَ سندھ ءَ 11 ہزار 537، پنجاپ ءَ 13 ہزار 865، خیبر پختوانخوا ءَ 4 ہزار 836, اسلام آباد ءَ 7 ہزار 98, بلوچستان ءَ 697,گلگت بلتستان ءَ 313, آزاد کشمیر ءَ 637 ٹیسٹ ھوار انت۔ انوگ ءَ تاں سرجمیں ملک ءَ کوویڈ-19 ءَ چہ جان سلامت بوھوکیں مردم آنی کساس 3 لکھ 29 ہزار 828 بوتگ انت۔ گلگت بلتستان ءُ بلوچستان ءَ کوویڈ-19 ءِ اچ ھم مریض اے وھد ءَ وینٹلی ٹر ءِ سر ءَ نہ انت وھدیکہ سرجمیں ملک ءَ کورونا کورونا -19 ءِ واستہ گیشینتگینتگیں 1 ہزار 803 وینٹی لیٹر ءِ سر ءَ کوویڈ۔ 19 ءِ 256 مریض است انت۔ سرجمیں ملک ءَ کوویڈ-19 ءِ ایکٹو کیس آنی کساس 36 ہزار 683 انت۔ سرجمیں ملک ءَ کویڈ -19 ءِ آماچیں نادراھ آنی علاجھ ءِ واستہ گیچینتگیں 763 ہسپتال آنی تہ ءَ 2 ہزار 139 مریض زیر علاج انت۔
