اسلام آباد۔22نومبر (اے پی پی): مزن وزیر ءِ پنت ءُ شون دیگ ءِ رد ءَ السی جیڈھ آناں گیوار کنگ ءِکوشست ءِ واستہ ھاسیں کمکار عثمان ڈار ءَ سیالکوٹ ءَ ھمک ھپتگ ” پبلک ٹائم” گیشینگ ءِ جار جتگ 22 محکمہ آنی اپسرگ ءُ کارندہ یک شلی ءَ السی شکاست آنی گیواری ءَ کنت انت۔ یک شمبے ءِ روچ ءَ جاڑی بوتگیں بیان ءِ رد ءَ مزن وزیر ءِ ھاسیں کمکار برائے ورنا آنی کار عثمان ڈار ءَ گوشت کہ پیسلہ السی جیڈھ آناں یک شلی ءَ گیواری کنت انت، یک شمبے ءِ روچ ءَ 11 ءَ بگر تاں نیم روچ 1 بج ءَ تاں السی جیڈھ آناں گوشدارگ بیت۔ آئی ءَ گوشت کہ پولیس ءِ ھوالگ ءَ شکاست آنی گیواری ءِ واستہ ڈی پی او وت موہ ءِ سر ءَ ساڑی بیت، شہری آنی انتظامی ءِ ھوالگ ءَ شکاست آنی گیواری ءِ واستہ ڈپٹی کمشنر ھم ساڑی بنت انت، آئی ءَ گوشت کہ شہر آنی سپائی ءِ ھوال ءَ شکاست ءِ گیواری ءِ واستہ سالڈذ ویسٹ مینجمٹ ءِ کارندہ آنی گوما ھبراھ بنت انت۔ دمک ءُ یونین کونسل ءِ جیڈھ وتی نگرانی ءَ گیواری کنائیناں، عثمان ڈار ءَ گوشت کہ توان، گیس ءُ کارپوریشن ءِ ھوالگ ءَ گیواری ءِ واستہ سیادی داروکیں محکمہ آنی زمہ واری ساڑی بنت انت۔ 22 بنجاھی ءُ صوبائی محکمہ آنی اپسرگ ءُ کارندہ الس آنی دیم ءَ بنت۔ من ءُمنی سرجمیں ٹیمب ھمک ھپتگ الس ءِ وداریگ باں۔
