اسلام آباد۔ 04 نومبر (اے پی پی) پاکستان و زمبابوے نا کرکٹ ٹیم تا نیام اٹ مسہ ٹی ٹونٹی جہانی میچ آتیا تالان سیریز نا اولیکو میچ 7 نومبر آ راولپنڈی کرکٹ اسٹیڈیم اٹی مریک۔ ہڑتوم آ ٹیم تا نیام اٹ میچ پاکستان نا معیاری وخت انا رداٹ 3 بجہ ءُ 30 منٹ آ بناکیک۔ مہمان ٹیم اکن سیکورٹی نا فول پروف بست وبند کننگانے۔ پاکستان ٹیم انا کماشی ءِ بابر اعظم کیک، شاداب خان فٹنس ویل انا سوب آن زمبابوے نا برخلاف ون ڈے سیریز اٹی ٹیم ءِ دستیاب الوکہ وخت اس کہ ایلو گوازی گر تیٹی عبداللہ شفیق، عابد علی، فہیم اشرف، فخر زمان، حیدر علی، حارث رؤف، حارث سہیل، افتخاراحمد، عماد وسیم، امام الحق، خوشدل شاہ، محمد حفیظ،محمد حسنین، محمد رضوان، محمد موسیٰ و روحیل نذیر اوار ءُ۔ زمبابوے نا کماشی ءِ کننگ نا فرض ءِ چاموچی بھابھا سرایتک، ایلو نمان گوازی گر تیٹی برینڈن ٹیلر، شان ولیمز، سکندر رضا، ویلنگٹن ماسا کڈزا، ایلٹن چگمبورا، برائن چاری، رائن برل، ٹینڈائی چسرو، ٹینڈائی چترا، کریگ ارون، فرازاکرم، تناشے کامو، کارل مومبا، چمونڈموتم بمی، ویلسے مدھویری، بلیسنگ موزرابانی، رچرڈ نگر واو ملٹن شومبا اوار ءُ۔ یات سلے کہ ہڑتوم آ ٹیم تا نیام اٹ مسہ ٹی ٹونٹی میچ آتا سیریز نا ارٹ میکو میچ 8 نومبر آ مسٹ میکو و آخیریکو ٹی ٹونٹی میچ 10 نومبر آ راولپنڈی کرکٹ اسٹیڈیم اٹی مریک و ٹی ٹونٹی سیریز نا غٹ میچ آک ڈے و نائٹ مریرہ۔
