انقرہ۔ 03 نومبر (اے پی پی) ترکی نا شار ازمیر اٹی زمی جمب آن مرک آتا کچ ودسا 100 مسنے۔ فرانسیسی خبررساں ادارہ نا رداٹ ترک کمامدارآک پاریر کہ دیکی ترکی نا شار ازمیر اٹی جمعہ نادے آ بروک آ 7 درجہ شدت نا زمی جمب نا لوڈو محسوس کرے ہرانا مرکز جزیرہ ساموس نا قطب دے ٹکی ٹی بحیرہ ایجین اٹی ئس ہرانا سوب آن داتم اسکان مرک آتا کچ ودسا 100 مسنے وخت اس کہ 994 بندغ ٹھپی ءُ زمی جمب آن چندی ماڑی تے نسخان رسینگا۔ اوپارے کہ زمی جمب آن پد 1،464آفٹر شاکس محسوس کننگا ہرانا سوب آن ہنکینیک پدریسہ تمبو تیٹی رہینگ انگ آ بیوس ءُ ۔ زمی جمب انا سوب آن صوبہ ازمیر اٹی بے گواہ بندغ آتا پٹنگ کن تموک آ 5 ماڑی تیٹی سرچ آپریشن برجاءِ۔ یات سلے کہ اینخو سال جنوری ٹی ترکی نا صوبہ ایلازگاورمالاتیا ٹی بروک آ تباہ کن زمی جمب آن 40 بندغ زوال کریسر۔
