شیرانی ۔1نومبر (اے پی پی):ڈپٹی اسپیکر راجی اسمبلی قاسم خان سوری ءَ گوشت کہ پی ڈی ایم ءِ گل آناں وتی ایجنڈا آنی سرپدی نیست انت آ راجی سلامتی ءَ را تاوان رسینگ ءِ واستہ یک مشت انت، اپوزیشن گل اے رنگیں پندل آں چہ ملک ءُ الس ءَ را ازمت نہ کنگ ءَ انت۔ اے گپ ڈپٹی اسپیکر راجی اسمبلی قاسم خان سوری ءَ پارٹی ءِ کلانہ ایں سروک اختر محمد مندوخیل ءِ گس ءَ تران کنان ءَ کت۔ ڈپٹی سپیکر ءَ گوشت کہ پی ڈی ایم ءَ ھواریں گل پیسر ءَ چہ یکے دومی ءِ ھلاپ بوتگ انت ءُ راجدپتر ءَ ھمے دوئیں گل وتی وتی باریگ آں گرگ ءَ انت نوں ملک ءَ سیمی گل ءِ سروکی ایشاناں ھزم نہ بوھگ ءَ انت۔ آئی ءَ گوشت کہ بنجاھی وزیر اسد عمر ، زبیدہ جلال ءِ ھمبراھی ءَ زرباری بلوچستان ءِ تر ءُ تاب کتگ ءُ اے منصوبگ آناں بنجاھی پی ایس ڈی پی ءِ تہ ءَ ھوار کنگ بوتگ۔ ھمے رنگ ءَ ایندگر بلوچستان ءَ ھم السی ضلورت آنی بستار کرزیں منصوبگ آناں وھد ءُ موہ ءِ سر ءَ سرجم کنگ بیت۔
