اسلام آباد۔1نومبر (اے پی پی):پاکستان ءَ بھارتی میڈیا ءِ نیمگ ءَ فرانس ءَ نندوکیں پاکستانی آنی ھوالگ ءَ شنگ ءُ تالان کتگیں ردئیں ءُ بے سر ءُ پادیں ھال آناں رد کتگ ایشی ءِ تہءَ گوشگ بوتگ کہ استیں واکیہ ءَ چہ پد فرانس ءَ نندوکیں پاکستانی مشکل آں گوں دیم پہ دیم انت۔ درئی کارانی کارگس ءَ ترجمان زاہد حفیظ چوہدری ءَ یک شمبے ءَ جاڑی بوتگیں بیان ءَ گوشت کہ بھارتی میڈیا ءِ بازیں بھر ءُ دروگیں ٹویٹ اکائونٹس آنی وسیلگ ءَ شنگ ءُ تالان کتگیں فیک نیوز آنی سر ءَ نوٹس زورگ بوتگ۔ ترجمان ءَ گوشت کہ بے سر ءُ پادیں ھال بھارت ءِ پاکستان ءِ ھلاپ ءَ پروپیگنڈا آنی بھر انت۔ ترجمان ءَ گوشت کہ فرانس ءَ نندوکیں پاکستانی کانود ءَ را پد رند کنوکیں شہری انت ءُ آ فرانس ءِ معیشت ءَ پازیٹیو کرد پیلو کنگ ءَ انت۔ ترجمان ءَ گوشت کہ فرانس ءَ نندوکیں پاکستانی آنی نیمگ ءَ استیں وئیل ءَ چہ پد اچ شکاست دیم ءَ نہ اتکگ۔ آئی ءَ گوشت کہ راستیں سرپدی ءُ ھال آنی واستہ پیرس ءَ پاکستانی سفارتخانہ ءِ ٹویٹر ہینڈل @PakinFrance ءِ پد ءُ رندی کنگ بہ بیت۔
